حزن الفرح
يا كبر ذنب السـؤال .. ويـا ثقـل دم الاجابـه !!
لا انتهى حبك وصدرك مختنق بحروف ( ليه ) ؟
وقتها كن خافقك ( جالي ) وحزنك ( شيـخ لابـه )
اتصـدّد .. لكـن الدنيـا تحـــدك .. تنتــخـيـه ..!!
يـا رفيـق الهـم .. علمنـي إذا عينـي ربابـه .!
منهـو يسمـع نزفهـا لامـن نظرهـا ويحكيـه ؟؟
بسئلـك بالله قلـي : عـن شقـا الـدرب وسرابـه
كيف علقني بكذبة .. ( باكر اوصل وارتويـه )
لو فقـلب الليـل رحمـه مـا فتـح للجفـــن بابـــه :
وعشمه في حب نجمه .. يدري انهـا مـا تبيـه !!
ولو يضيق الكـون بالطعنـات تلقـى بـي رحابـه
لا تعكر بال خنجر .. تركـض ظلوعـي تجيـه !!
لا يشيـل الهـم ( همـه ) دام تجمـعـه القـرابـه
في صدر شاااعر يعـده : واحـدٍ منـه و فيـه .!
له علي .. دامـه يبينـي مـا اخونـه فـي غيابـه
كان ما جالي اجي لـه .. يحتــوينـي واحتــويـه .!
ولي عليه .. انه مـا ينسانـي ويصفطلـي عذابـه
ولا يعرضني لضحكٍ صــدق مـا عـاد اشتهيـه .!
اقسى من حزني وهمي الفـرح حضـرة جـنابـه
لا طرى ما يطري الا .. منهـو عرفنـي عليـه .!
ذاك مـن يحكـي علـى عينـي وتقنـع باغترابـه
لجل تعتق صورةٍ فينـي سجنـت كـل الوجيـه ؟!
غايتي ( فرح الحـزن ) لا ينكسـر بالقلـب نــابـه
وخوفي لا ( حزن الفرح ) يخنق لي انفاسي بيديه
من ورى قلبي رسمتـك غيـم يحكـي بـوح غابـه
كـل غصــنٍ منحنـي فيهـا يمــدلـه راحتـيـه .؟
هاك صـدري شـوف بعيونـك متاهـات الغلابـه
فـي شـوارع هـالحنايـا كـم متـشـرد نـــزيـه ؟
لا قبل عطف السنين .. ولا رضـى بسلـم الذيابـه
ما سئــل كــود الاماني .. يـا الامانـي جاوبيـــه .!
ويش اقول وويش أخلـي .. والبـلاوي مـا تشابـه
غيــر لا قالت في قلبـي لا حشـى مالـي شبــيـه !!
ليت في وجه الزمن ( ذرة حيا ) واحسب احسابـه
احشمه لجــل يحشـمنـي .. دون شـي ٍ أحتــريـه .!
وليت شعري مـا يخيّـب هقـوة اللـي قـد هقابـه
لا تــولّـج هاليمــيـن وصحـت فيهـااا اكتــبيـه .!
وليـت دربـي لا نثنـــت رجلــي يقــدرنـي تــرابـه
كان وربي ما احاتي قولت : ( ازرى ينتهيـه ) .!
بعدهـا بذيّـل اسمـي بآخـر دمــوع الكتـابـه
دام كل بيـت بقصيـدي شـال دمعـة مـا يليـه !!
هذا انا يـا صاحبـي حلمـي الاقـي لـي اجابـه
لا انفجر صدري وضاقت دنيتي بحروف ( ليه ) !!
