ريحة الشــــمّات
شميت اعلى جتفك ريحة الشمّات ***** كل يوم اليمر بعشرتك يوضح
لاتشرحلي ادري بجيتك شتريد ***** اني الغلطان عمي بدون ماتشرح
جذبه انته اجذبتها وبذني همسة ***** لابالك بيه تاخذ انه ابد موصح
طفل وهدوم جدد فرحه باجر عيد ***** هيج كليبي جان لجيتك يفرح
عليك اجدام عيني اتكسرت بالباب ***** دغش ركضنه عليك وكلشي ماتلمح
انه امتحنك عشك وازهك واكلك ها ***** بشرني وتكلي صعبه ماأنجح
بشرني شعجب تصعب عليك شلون ***** طالب مانجح لو ما ابكتابه يلح
لاتكبر عليّه ابدون وك متعيش ***** وعلى شجرة غرورك ليش تشلبح
كتلك هاك كلي اجرحني بس على كيفك ***** حته انزف ترافه امنين ماتجرح
أسد عيون اذني بكطنه الماشوف ***** خاف تكول احجي ابلايه ماتشرح
هيه اضم الساني ولو حجيت بيوم ***** راس الساني تلكه ابشفتي اتمرجح
كل هاذه واسولف تالي اطلعت خسران ***** على اجتاف الخساره بيا وكت تربح
مثل ماردت اجرحك هسه اجرحك بي ***** ا لمارادلي اخسر كون مايربح
انه كبالك طحت واتوسلك عطشان ***** وانت ابكل صلافة الماي طشيته
اجت غيمه وروتني اتخيل اني شلون ***** عليّ حته ابعطشتي الغيم بجيته
الشاعر: اشرف المختار
