قصيدة الشاعر اشرف المختار ( بأول مرحله)
بأول مرحله والتمت الأقســـــــــام ***** كل شعبة اليف ابجيتك طاحت
ومن كام المدرس بالحضور يذيـــــــــع***** اسمك وأنذكر كلها ابنعم صاحت
ماظن نفتهم كلشي ابدرسنه اليــــوم ***** لأن يمك عقول الناس هم راحت
ولتباوع علينه وتتلفت ارجــــــــــــــوك ***** ماترحم نضرتك بالفكر لاحــــــت
ولجن وجهك شرف لابس عباية نــــــور ***** ناسك جفها ماي أبو جنتك ساحت
دفو أنفاسك دخيلك كلنه بردانيـــــــــن ***** نحس لمن تسولف رجفه وانزاحــت
مره أتأخرت حسبنه جيتك شـــــــــــوف ***** قاعتنه انتعاش بريحتك فاحـــــت
حلك خصرك شبع نضرات من طلاااااااب ***** وهاي اجتاف شفك جم ذنب شالت
ولمن تمشي مشت هاي العيـون اوياك ***** وخصرك من يميل الكاع بي ماااالت
مدرستك تزعلك والله عمي تغــــــــــار ***** شكيه ومجلس وع السنه انحــالت
دمع شفتك خمر بي كلنه ســــــكرانين ***** هذا الكالته ولا كلشي ماكالـــــت
ياأجمل ملح داعب جروحي اليــــــــوم ***** ويرتاحن جروحي وحظ ملح نــالت
ـ
امحاضرتك تنادي بيوم عنها تغيــــــب ***** ثلث قاطات بعدك بالوقت طــــــالت
مشايه اعله شفتك كل شفاف الناس ***** وبخته اليحضه بيهن والعليه سالت
عونه الشاف فرصه وراد يحجي اوياك ***** وأستار السكوت اكبالك انزالــت
غلط منها الوزاره شلون غلطت هيج ***** منطوك العماده اشكد لعد عــالت
ابد يهواي مايك ماضماني
ابدليلي اتوبه اكتم ماضم اني
اذا تسألني روحي ماضماني
ضماني ابنضرة عيونك اليـــــه
الشاعر اشرف المختار
