قصيدة ( ليش اجيتي) للشاعر اشرف المختار
ليش أجيتي ومن بعد ذيج الســــنين ****** من لزمت الخيــــط بجروحــــــي أروف
جنتي بضلوعي عمر وكت الحنيـــــن ****** جنتي شمس الكون من تشرق زلوف
انه من طفت ابحظرتج مو مــــــــــزار ****** جان طف وجيتي ســــــــــويتي طفوف
جنت اشوف بعيني من اســمع تجين ****** وهسه من كد الدمع ماعاد اشــــــوف
أنه شتله اتعذبت ليل ونهــــــــــــــار ****** وأنتي غيمة مطر بس مطرتلي اوووف
جنت أغيب اشكثر ماطب بالدروس ****** حتى امر ابصفـــــــج اكضيها وقووووف
وبالصفوف انرسم وجهج ذكرى بي ****** شلون اهد بيدي طوابيك الصفـــــــفوف
أنه امعزب دمعتج وكل الجــــــروح ****** امضيف قلبي وأنتي الامج ضيــــــــــوف
على دموعج خدج الينصب عــــزاء ****** لأن دمعج بحـــــر وأجفوفج جــــــــــروف
حرت وياه شقره اليوم شـــــــــتله
اجلب بالكلب مافاد شـــــــــــــتله
صرت بيده وغرسني ابكاع شــتله
ومسح دمعه خاف ايطيح بيــــــــه
تحياتي:
الشاعر اشرف المختار
