يابنت خوني مابقى حي ماخان
خوني بكيفك بس لالاتذليني
دام الخيانة طبع والبوق عنوان
كرامتي من فوق قلبي وعيني
جزاك من عندي صدودٍ ونسيان
وإحساس قلب ماغدر صدقيني
أنا لعينك جيت والقلب ولهان
أمدلك باحساس قلبي يديني
كأنك تشوف أنك معي حيل غلطان
فأنا أشوفك عالم يحتويني
أنا بشر مثلي مثل أي إنسان
أهوى الحياة بكل زينن وشيني
يحدني قلبي وبااااريه شفقان
ودير فكري في عجااايب سنيني
ماني بميت لجل مريوش الأعيان
والله مبقى للمذلة رهيني
مثلي يعاف الماء ولو كان ظميان
لأشاف حوله جملتن وأرديني
وتعاف نفسي عشرتن شانها شان
لاصار خلي مايقدر حنيني
أذا فقدني صاحبي بعض الأحيان
غيري على حسب الطلب جاهزيني
لاغبت عنه عنده أفلان وآفلان
يمشي مع غيري ولايحتريني
هي تحسب الحب ثوب(ن) وفستان
تغيره في كل وقتن وحيني
مال المشاعر عنها أي عنواااان
في هامش التقدير ماتت بعينـــــــــي
