اريد اكبالك احجي شما جرى وياي ... بقلمي

اريد كبالك احجي شما جره وياي
وجمع كلي قواي كبالك انثرهه
واريد بعينك انته تشوف بيه شصار
روحي الحبتك منهو اليصبرهه
حبك ما يفكني مقيدني حبك بيك
مثل الي بسجن والطلعه ينطرهه
ويصيح افراج كلبي ومابعد نشتاك
وترد اتكلبج ايدي بسجنك تحطهه
طاوعت الكلب ومشيت درب الموت
موتي على جفك روحي بعثرهه
ناكر كل حياتي وناكر انه الروح
بس روحك عزيزه شلون انكره
سميت الشمس بسمك يوجه النور
شمس الصبحت وجهك ينورهه
مو لابس حجب جن لابس انته اليل
كمره اليله صارت لو خد يطرهه
اكتب بي قصيده وكلي شاعر بيك
حبري من الدمع وجروحي دفترهه
ناديت الفرح كتله شوكت الكاك
رد بصوت هادي وكلي انطرهه
لأن انه الفرح وغيابك انته الموت
غايب عني صاير خل كاعي نحفرهه
وانه شما امل ارجع وارد اردود
روحي الملتك بجفيني اصطرهه
واعلمهه التحبه شلون توفي وياه
لو هوه الكرهه وهيه متكرهه
وكول العشك ضالم واليحب مضلوم
وانه سنين بمحبتك روحي ضالمهه
اخوكم رحيق القلوب