شعر شعبي (زهيري)

ازهيريات مختاره


صاغك الهي ذهب من كل غلط عدلك
وخلا الوفا ياترف من دون الخلك عاد الك
لواشبهك بالكمر مااظن الكمر عادلك

حيث ان القمر قدم عرضة وطلب

يريد من عندك حسن من نور وجهك طلب
لوردت روحي تجي غالي ورخيص الطلب

لوردت شنهي الروح افديها برخص عادي لك




ياصاح گلبي في غرامك تكطع وصل
والحيل مني ركد لحد المفارك وصل
اسئلك بالذي اسرى وعرج عند الاله وصل


ترحمني بمحبتك واحسبه الك زينه
والهدب ياصاحبي بكل الكحل زينه
كالو بالحكم انو العقل زينه

والعگل من هجركم مثل المجمع وصل



لو جلجل احزاني تجيني وهم
وتذكر ا يام واسرح ويخيالي وهم
احباب الي ابعدوا اسئل عليهم وهم


متذكروا مرة اسئلواعني
ومن طاح حملي محد اجه وعني
تتوسمين الجذب ياروحي بس عني

لو صار مثل الشمس كولي الشمس هم وهم




ياصاح انته الاخو وانته بحياتي ورد
اتمنيت اوصل الك انطيك كلبي وارد
بالروح حبك زرع بستان هيل ورد


وسهام حبك صفت بالكلب ميه والف
بس انته ولفي صرت ماعندي غيرك ولف
لو ابقى طول العمر افتر وادور والف

ما الكه مثلك اخو ولا الكه مثلك ورد


عدن اشواط العمر والحكم بيهن صفر
والباقي منه اخبرك بغياب ولفي صفر
ضليت محني الضهر والوجه مني صفر


كلبي انه مايحتمل وانت انشد العاشره
واغبر هذاك الصبر حد السنه العاشره
يمكن اتحمل شهر لمن يعبر عاشره

بس كلي لمن يعبر شيعد يشدة صفر



مرت علي شوفتك واكليبي منك يرف
اسنين مابيهه لك طير ابسعادة يرف
راحه. ابد ماشفت سهمك ابجبدي يرف
اويايوم اكولن حلو يختم نهاري بلم
زين انه واحجي الك والساني منك بلم
يخنك صباحه.لون نهري يمر بيه بلم


دافوعه انت اصبحت وانه الصرتلك يرف




الغيري يغالي صرت وانتة الجنتلي ورد
وضليت بس وحدي ابجي وانعي ورد
غصبن علي اجي العرسك واسلم ورد


واضحك ولو هل الكلب نابات بس لاكن
وبكلبي اكول بحزن ريت الجرة لاكان
ما هي قليلة علي يا منيتي لاكن

مجبوراهني واجي وانثر بعرسك ورد





هجرك علي يا ترف حنظل اقيسة ومر
ما تجرعة الروح كيف احكم عليهة ومر
لهفان اجي لرؤيتك واوصل لدارك ومر


واصيح يا منيتي صوت الصد ى ينبيه
والمادرة بعلتي كال الرجل ينبيه
حدر الضلع ما علم شج السهم ينبيه



اطلع ثلث جبدتي وودع بدليلي يمر

مشكور على ما كتبت عاشت ايدك,,,
تحياتي الك اخوي جبل السامرائي

مبدع

يعجز السان عن وصفك يا مبدع

مشكور على القصيده

ممنون منك يالغالي