السلام عليكم
جائتني قصيده من احدى الحبايب تقول في مطلعها@@أهيم بليل حبكم من تجافون*وأجافي النوم وعيوني سهيره**
وكان ردي عليها كالتالي=
إذا إنته تهيم بينه من يجي ألليل/
أنا ممنون إلك ياعسل ياصافي/
ومووحدك تجافي إلنوم بالليل/
عيوني من البچي صارن مطافي/
وتهيم بليل وحدك من ينامون/
أنا مناطرحبيبي وهوه جافي/
وإذا إنته إتهل دمع من عينك تگول/
أنا دموعي سواجي من تجافي/
وتسامر نجم مصباحي يمزيون/
نطرتك عالدرب وفانوسي طافي/
وتفرش أهداب عينك بس يعودون/
أنا أمشي عالجمر وآجيك حافي/
وتحسد إلناس وإلمرضى إليموتون/
يزيد إلمرض بيه وآني غافي/
وتكتب أبيات إنته من إليكتبون/
أنا آصوغ إلشعر من گلب وافي/
وإذا إجروح گلبك تنحسب زين/
أنا جروحي چثيره من القوافي/
من تأليفي طبعا
وأي واحد يكتب شعبي خلي يكتب قصيده ومستعد أرد عليها
تحياتي لكم
