اريد أوياك للشاعرسعيد الاحمد

أريد أوياك أگعد ولولحظات**وأسولفلك هواك شلون أذاني

مره آني أويه روحي إمشيت بالليل**تلاگينه بعيونك آني وي آني

إرجفت إيدي إمن إيديه بصوت مسموع**لومت إيدي طلع هالصوت بأسناني

أسدإشفافي حيل ومارضه يروح**أثاري إگليبي هويصيحلك تاني

أدورعالگلب موداخلي يصيح**ركض بيده عليك وبإيد برداني

أدري بخنجرك موبالظهرمغروس**أدري بخنجرك عالموت شهـّاني

وإتهزني عثگ تنزل عليك إعيون**وتبوسك عيوني وتحزن آذاني

لأن بآذاني أسمعك وأستلذ بالصوت**وأرسملك صور بأفكار فناني

تصورتك قريب إمن إلرمش وإلعين**طلع موإنته واحد يشبهك آني

درتك بالعگل وإندارن إلنصين**إذا إلساني يصيحك جاوب إلساني

وهمستك سراب ومالگيتك ماي**ولاگتلك طريقك وين وداني

أنه إشفافي بحلم بلكن تمرخطار**ألبسلك أفراحي وأنزع أحزاني

رغم روجك سبحته بهل صدرسابوح**إجيتك فوگ ظهري مخلي ذرعاني

وأگطعهن عمر وإلروج رايح جاي**أغرگهن وأگلك ذنـّي سفـّاني

يانغمه فناجس وإلطيور ألوان**وعلى شكل إلطيور إتبان ألواني

إسنين أنتظرعالغصني بلكي تفوت**وإذا جنحك گصير أنطيك جنحاني

أنه إلماصدگت بأغصاني تبقه إحروف**إذغ تفكر تروح إتصيحك أغصاني

ياشمعه ظلامي إلماغفت لليوم**يافكري ولهفتي وخيط بجناني

أنه إلحبي إلك دمعه بجفن مجنون**بس وسفه إلوكت وياك بداني

صفيت إنته إلورد وإلزهره وإلقداح**وإخدودك عنب وأفراط رمّاني

يادمبوس ستري ودگمتي وإلشال**ياربطه عباتي وچرعدي وشاني

ياعفه عفاف ودين مامعصوم**ياكلمه بسطر وإستاذ قــّراني

إذا إنته هذني وذيچن وهم ذول**وإذا آني هذاني وهذا هياني

شلون إتريد أنسه وآني كلي أهواك**وإذا إسمك يمر يمحيه لنسياني

أوج وأشتعل وأطفه وأوج إلنوب**أبرد وأرتعد وإللوم بچاني

يمرمثل إلحزن عالخدي كت إدموع**وإنشوده مطر سيلب غنـّاني

تعال إلراس باع إلسود للبيض**وكاتبلك وصيه إلراس وصـّاني

مثل فنجان گهوه وليلك إلفّواح**وعدمهما إشربت ماهزه فنجاني

من گدماأحسك إنته صرت أوياي**چن صوت إيدين إمن أغفه وعـّاني

شگد عالي إلگمرلكن عيونك بيه**لوردت أقارن حيل شتـّاني

إلگمريطلع يغيب وينخسف مرات**وإنته أويه إلگلب تمشي إويه شرياني

مرات إلشعريرهم غطا إلعشاگ**لأن بردان جابه لشعره غطـّاني

وأمرار إلنظر يترس فراغ إلعين**لأن من ضحكت عينه بيهه ملاني

لأن هوإلأمل وإلباقي وإلموجود**ماأذكر إلماضي إلخوف جـّزاني

إذا كاظم بچه عل ليلى هوه ينوح**گبل دمعه نزار ينوح قباني

الشاعر
سعيد أكرم ألأحمد2011

بارك الله فيك اخوي سعيد ع الكلمات الرائعه
والاحساس المرهف 0 اسجل اعتزازي وتقديري لشخصكم
واتمنى المواصله ويارب دوم التمييز والحضور -------
اخووووك جبل السامرائي

القصيدة رائعة بكل ماتحمله الكلمة من معنى.

اسجل اعجابي بشعرك واتمنى المزيد

يشرفني أن أكون ممن زرع ـأحرفهـ هاهنا أمام ذآئقتك
فأنثرها ـإعجـــآباَ وتقديراَ لما إختاره قلمك
فسلمت وسلم بنانك..

ماننحرم من جديدك

كلمآإت في غاية الروعه‘ـ
ولآجديد فالآبداع والتميز مرآفق لك
آإشكرك‘ـ على هذا الابدآإع فيٌ الـآنتقآإء ،
دمت لمن تحب‘

أريد أوياك أگعد ولولحظات**وأسولفلك هواك شلون أذاني

مره آني أويه روحي إمشيت بالليل**تلاگينه بعيونك آني وي آني

الله يعينك عاى بلواك
تسلم وصح لسانك
اخ سعيد
ويسلم المظلوم

مشكورين ياغوالي

صح السانك على القصيده الرائعه

ننتظر جديدك . تقبل مروري

آختيآر يلامس الوجدآن

انتقآء رآآئعه كآلعآدهـ تسلم آيآديكِ والله لآيحرمنا جديدكِ القآدم ,

لآعدمنا ذائقتكِ

مودتي

مرت من هنا بنت ابوها

يسلموو على ماقدمت لنا من مشاعر واحاسيس مرهفه
ننتظر جديدك واتمنى لك كل التقدير والاحترام لشخصكم
ولذائقتكم

» جف الخلك للشاعر سعيد الاحمد
» حصريا وعلى منتديات مدينة المطر زهيري للشاعر سعيد الاحمد
» ابيات من العتابه للشاعر سعيد الاحمد
» قصيده بحب الرسول للشاعر سعيد الاحمد
» الشاعر سعيد الاحمد وقصيدة بيضه وطفل