مامدللك بعد __________________________
مامدللك بعد اجفوفي وتوسل ***** وبقه اكبال عينك انتظر رحمه
جنت بعيوني اشوفك طيف وتأمل**** وهسه اكبالي لا ماقبلك فحمـه
على جتافي شلت اهمومك براح **** وماكتلك ثكيله همومك وزحمــه
لجروحي الملح من تاه دليته **** وظل غدرك يصوب بالكلب سهمــه
انفاسي احسهه وياك مخنوكات **** وحس مسموه منك لو تجي نســمه
صليت بغرامك لمحي الذنوب **** وشيطان احسبتني واستحق رجمـــه
مغشوش بغرامك من همت بيك **** وهسه اعرفت روحي وياك متوهمـــه
توحمت بمحبتك واني ولهان **** تعال وشوف بيّ شكد الك وحمـــــه
صرتلك ماي لمن جيت عطشان **** وبقت عطشانه روحي وبيك متعشــمه
راح ابقه بحرب وياك مانهار **** وهجماتك اصدهن لو ألف هجمـــه
الشاعر بشير المبارك
