]ç[™¤¼.¸¸.¨✔¨™★مانرضه نعيش★™¨✔¨.¸¸.¼¤™]ç[
اذا كصة العرك بالصيف لامتســـيل
وباكت مستحاة الخجل وتجفلـــــــه
أظن بشتاك وجهك كل حياءه يموت
شوكت تعرك الكصه ومايها تنزلــــــه
اشكلت من كال بيك وتدري شنو انكال
همس بيك القريب وليش دتزعلــــــه
مانرضه نعيش الذله حد الموت
والطبعه لئيم بصفنه منقبلـــه
يقيس بطبع لؤمه اصناف بينه تضيع
ولايكدر يطفي الوهج بالشــــــعله
لئن ذاكرة حبنه نعيش ويا الروح
اشنمسح عنتره: من ذاكرة عبله؟
تفيض احلام عدنه ومن خذاهه الروج
وأحس نهر الفرات يعانـق بدجلـــــــه
وأسراب الطيور الحلقت ليفوك
طارت ع القمم بينه القمم تعله
كواتم خرسه يمنه وبينه يعله الصوت
ايموت اليوم بينه بيــوم البقبلــــــه
كافي البلخيال الموت صوره وصوت
ونقره الفاتحه ونتوســـد القبــلـــه
جذر سباحنه بشــاطينه بعده ايفور
عاش بماينــه وماينحصد شــــتله
وعله غفلة ركوده تجف روافد بيه
ومزامط حجينه يسيس بدهلــــه
مانقبل جرف والدهله بينه تغوص
رجل بره ورجل تستنجد بوحلــــه
ويظل احساسنه بظل الجرف مذبوح
مثل قمة جبل وانذبح من ســـهلــه
ولا سهله السهل ينذبح منه البيه
واليغدر خليل وجي غدر خلــــــه
عطش بينه الوكت من دمنه يشرب ماي
يســـكي بدمنه هوه وياكل الدفلــــــــه
من نهر الكرامه يفيض بينه الزوم
وقلة التنتخي موجوده بس قلــه
بعدهه اكهوة اهلي الغيره منهه تفوح
وبعدهه اوجاغ اهلنه الغيره وعامره الدله
وبعد عدنه مضيف يعزب الخطار
وعدنه الضيف نار الثاكبه اتوصله
اندارج بالكطه بصحره ودرب عاثور
ومشينه بليل اظلم ليلنه ايطولــه
ونصفك مانشوف الراح من الراح
وسـيف الفجر ليله بغمده ماسله
عله حية حماد بشته تبدل جلود
وسمهه بكيض يسلع بالشته اتبدله
واحباب عله بابي وبابي ظل مفتوح
وانته بوجه اخيك بابك تقفلــــــــــه
!¶ Ξ……Ξღالشاعر عبدالرحمن البازيღΞ…ـ…Ξ ¶
