--------------------------------------------------------------------------------
آسف معاد اقدر أخبي لوعتي أكثر
أبحكي والعذر منك إذا بعثرت أوراقي
أبي أرتاح من همي كرهت العيش متبعثر
بلملم باقي أيامي إذا به بالعمر باقي
ألا ياجرحي الأقدم وقلبي منك متأثر
أبفضح نزفك الجاري دموعٍ ملت احداقي
مهو عدل البشر تفرح وأنا بالهم مدثر
ولا عدلٍ إذا وحدي بعيش الليل بأعماقي
نعم مليت من حزن على الأوراق متنثر
وكم نفسي ولو لحظه يفارق دمعي اوراقي
أيا يادرب غدر فيني بكل خطوة وأنا اتعثر
*عل هونك ترفق بي نبت شوكك على ساقي
مشيتك مادريت اني أبندم يوم واتحسر
أنا اذكر خطوتي الاولى وكانت بعدها فراقي
مشيت لثاني خطواتي وقلت لنفسي وش بخسر
لقاني بحر هاااايج وحاول موجه اغراقي
ألا ياصفحة الماضي ونار بالحشى تسعر
والا يادمعة حرى وحزن شاقه عناقي
تغير كل ماحولي وفيني كل شي غير
سقيم عشت بالدنيا وكان السم لي راقي
غريبه كيف أنا أقدر أخبي دمعتي واصبر
والاغرب واللي حيرني جروحي كل عشاقي
*وفاهم لي يذكرني بغدرك في صباح صفر
وشمسه كانت تعاني غروب بلحظه اشراقي
رحلتي وارتحل بعدك هنا دنياي واتبخر
سِؤال مات مع موتك جوابه كان ترياقي
بسامح واطوي الذكرى برغم ان الألم أكبر
من اني أقدر اتحمل واقول الجرح ينطاقي
ألا يا الله ترحمني وكسرة خاطري تجبر
والا يا الله تغفر لي وأنا للموت منساقي
وتعفو عن خطأ عمرٍفنيته في زمن أغبر
عسى في الموت لي راحه..عساه يحرر وثاقي
