بـٍيـًوت مَِن الِابٍِوذيُه العِراقيَه وعلٍىَ كْل مٍنْ يدٍخلٍ يجَب َانُ يٍضٌع بٍيتَ مٍن الاْبوذيًه

بيوت من الابوذيه العراقيه وعلى كل من يدخل يجب ان يضع بيت من الابوذيه
**********

جذب ياليل نايم صاحي اباتك
وبس همومي صارت صاحباتك
الكلب محبس بدينه صاح باتك
نزلت وتيه المحبس عليه


ارتبك عقلي يخايب شربكاني
وزماني بحبل هجرك شربكاني
اذا تعطش اصيرن شربك اني
واذا اعطش تصير السم اليه


يا ما سنين انا ابجيلك يا مدهور
وشوف الدمع من كثره يمد هور
شمالك مايحن كلبك يمدهور
لون صخره بمكانه تحن عليه


مات الكلب من جيهه جهر تك
ياحب ردت اكتمنك جهرتك
اذا مر يوم ما شايف جهرتك
انا اتسودن وشك ثوبي العليه


علي حبل المصايب دوم ينطاق
وجرح كلبي بغيابك جذب ينطاق
اذا بغيرك لساني اليوم ينطق
اكطعه من العرج وجويه بديه



كلبي اختار كلبه وصطفاله
واكومن من يجيني وصطفاله
مثل شبوط كلبي وصط فاله
يرفس من يمر ذكرك عليه

تعال وشوف حالي ون خلاني
الدهر كلش وجعني ونخلاني
بديت بربعي اغربل وانخل اني
وتبت ما عاشر الما بيه حميه


منهو الذي طخلك ونخلاك
وتستاهل على وكتك ون خلاك
مهو عيبك بغربيلك ونخلاك
وسيع وعبر الما بيه حمي

بكيفك لو تمر بيه تمرمر
دخيلك كلبي بغيابك تمرمر
اضوكن من شجر غيرك تمر مر
وعسل حنضل شجرتك صار اليه

ندم گلبي وتعذّرلك وردلك
واضن مكتوب من عنده وردلك
نذرت العمر بس اجمع ورد لك
واضن النبي ما رد الهديّة

صرت بحزان وكتك بسمك انه
وفز بليل ونده بسمك انه
انشلع كلبي وبقالي بس مكانه
ويخضر من ترد انته عليه

ل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

اضل احلفلك بأيه ورايه
وبيرغ سلم رافعلك ورايه
اشكرك لو ردت تحجي ورايه
وابوس لسانك اليحجي عليه

مات الكلب من جيهه جهر تك
ياحب ردت اكتمنك جهرتك
اذا مر يوم ما شايف جهرتك
انا اتسودن وشك ثوبي العليه

مات الكلب لتظن دكته حيه
ودك الباب جفك دكته حيه
وكف كلبي استعدلك دك تحيه
ونثر دمعه عله دربك واهليه

عيوني من القهر تلفن وصدن
لو يعمن فلا اعوفك واصدن
اصيرن حارس بحلكك واصدن
شرط ماخلي بوسة اطب علية

صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه


لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه