ظلــــم فرعون

مات الشوك بيه وماتت اللهفه
ومو ذاك آني الأول مثل متعرفه...
تغير حتى كلبي مو مثل ماجان
وكل دكات كلبي اليوم مختلفه...
هواي جروح بيه وبلكي من أنساك ترتاح الجروح
وبالعجل تشفه...
هاي انت الردتها إتواكحت وياي وقابلت الحنان إبروحك الصلفه...
جنت شمعه آني الك وسنيني محتركات خذتني النار كلي
ابيا وكت اطفه ؟؟؟
تتذكر من عطشت أعيوني صارت غيم؟؟ كمت أمطر و أزخ حالوب ع الشفه ...
وتتذكر من بجيت اكبالي كتلك(لا)
ذب همك علي وابقى اضحك دوم أخاف الهم يغيير رررررروحك الترفه...
شمسح من ذنوبك كلي حتى أرتاح انترس كلبي ابهمووووومك ياهو الينظفه؟؟؟....
جنت ضالم وياي لحد ضلم فرعون بس تتظاهر انت انت بطيبه وعفه...
حافي أعله الجمر جنت آني وياك وياهو علجمر للغير يتحفه...
وتريد أنسه اللي صار وأضحك آني وياك وحسابي الطويل مايصفه...
إذا أضحك جذب بس داخلي تنور ومن أحجي العليه أنوب تتشفه..
اكو غيري اليسعدك كافي مو مليت جمدوب أعله ظيمه الكلب يتحفه...
بجيت اشكد عليك وحملت هموم جود الصبر بيدي و سهمك يزرفه...
هسه إبيا و جه نتقابل آني وياك كل اللي جرالي اتكلي ماكفه؟؟؟؟