توادعني انا ما اقدر على التوديع في فرقاك
ويكفيني الظلام يسود في عيني يواسيني
أبشرب كاس حزني واتوسّد حسرتي وعفاك
وبنسى واشربه صبر وعسى يمكن يشاليني
وببرد حرّتي ببكاي وبصبر لو طرت ذكراك
وبعلن موت فرحي لاتجي بيومن تعزّيني
بقايا روحي جروحي هي اللي باقيه ما جاك
تفضل واخذها ماعاد لي طبّ يداويني
عطيتك كلّي ومدري حسبت ان العطا يجزاك
لقيتك يا صدود تصدّ ني عنك و تجا فيني
هماك تقول في المرسول (حنا نشتريه رضاك )!
أجل في ذمتك وش مقصدك يومك تعنيني ؟
تغلى يالغلا ! كل الغلا أقسم بأنه جاك
ولا غيرك غزا قلبي سكن داخل شراييني
تبي ترحل؟ لي الله يا هوى يا صخر ماأقساك
أبصبر دام ذا يرضيك وربي ما يخليني
