تعال بروحي أسكننك وأنزلك
لأن دمعي البقه الحدَرونزلك
وإذا ماتنزل أصعدلك ونزلك
وأجيبك لوفشگ تمطرعليه
وأنومك في حظن گلبي وأطبلك
وأصيرن بلسم إجروحك وطب لك
وإذا ماترجع أتفخخ وأطبلك
وأطبلك وسط گلبي وأفجرالعاطفيه
وأنسفك نسف بأحضاني من أصلك
وأعلمك من أشبگنك من أصلك
عبالك إنته من تبعد منصلك
نصللك لوتصل حد ألثريه
وأجيبك وأحظنك وأشتم وأكتلك
وأطلع أشواگ البگلبي وأگت لك
أنا بنارأحترگ وإنته وكت لك
عفتني ومادريت شصاربيه
إحترگ گلبي بجفاك ألشوگ هسه
مثل خام ألتلف وألصيف هسه
حصرتك بعد وين إتروح هسه
إذا ماهد زلازل بالوطيه
شعوفك هيجت دمي وثاري
أريدن حقي من عنك وثاري
چنت ميت أنا بحبك وثاري
عسل شفتك تفيد إعلاج ليه
عليل و وصفه ألدكتور شفتك
أشفهه وأبره وين إتروح شفتك
تگلي إفتك بعد يهواي شفتك
مثل أعمه ولزم شباچ أبيه
تقبلو تحياتي
الموقع
