يادنيتي مجروح من وين ماروح
ماراحت جروحي والايام راحت
ياليتني لي نفس اذا ضاقت تبوح
ان كان من هم الليالي استراحت
كل ماخفيت جروح تظهر بي جروح
وبوسط صدري قـــلــة الهم فاحت
وانا اكبر من الجرح ماأقول مجروح
نفس العزيز اكبر من جروح ناحت
اوقف في وجه الوقت كأني جبل نوح
واطيح لو روحي من الجرح طاحت
" قلــــ الأســ ـــد ــــــب " ماهو مخلوق للنوح
تعما عيونه كان في يوم صاحت
صوت الحزن من كثرة النوح مبحوح
يشكي الجروح اللي مع الوقت لاحت
وانا لجرحك يازمن قلت مسموح
ان اقبلت دنياي وان كان شاحت
ولو كل صـدر اصبح كتاب مفتوح
ان كان كل الناس بالهم باحت
والروح بعض احيان ترخص لأجل روح
لكنها لو باحت بسر راحت
