على الله
على الله وعاد يوفون الأحباب
على الله وعاد ينسون العتاب
تمرمرنه بجفاهم ********
تعذبنه وراهم **********
وجرح البكلب لساعه ماطاب
على الله وعاد يوفون الأحباب
******************************
على الله وعاد لانسمع ملامه
ولا يبقه الحزن عدنه علامه
نعيش الدنيه افراح
نعوف المضى والراح
ويرد بينه الشمل من بعد الغياب
وعلى الله وعاد يوفون الأحباب
******************************
على الله ولادمع تبجيه العيون
فدوه الروح فدوه لو تردون
ريت الوكت ياريت
يجمعنه فرد بيت
ولا بينه بعد تشمت أجناب
على الله وعاد يوفون الأحباب
تحيات الشاعر
بشير المبارك
