بـس لاح
***********************
أجذب ع الكلب ملاح **** بس لاح
بطرف عيني بعد مافات *** بس لاح
تمنيته رمانـي كون ** بســـــلاح
ولايرمي فشــك عليـــــــــــــــــه
ماكســتله
*******************************
غفه كلبي واكعده **** ماكســـلته
لأنك ســله بأيده *** ماكو ســلته
تعال بثوبي كبلك ** ماكو ســـلته
وهسه من الســـلت خلص بديـــــــه
شرجـا منك
***************************
يهب غربي وشمالي **** وشرجـي منك
يالمحيرني طبعك *** شـــارجا منك
تصورتـك ملاك ** وشـــرجه منك
لذلك كمت أشـــك ابذنــي أديـــه
لاله لاله
**********************
يهل دمعي بغيابك **** لاله لاله
ومو ليه واكلهم *** لاله لاله
انه الموالي يصرخ ** لاله لاله
وألف داخل احســــه يصيح بيــه
الشاعر سعيد الأحمد
الموقع
