تعال ادخيل بختك كافي الغياب
وفتح باب كلبي العفته مطبوك
هزني الشوك ليك اوكلبي محتام
وتدري انت اشكثر مايرحم الشوك
من الشوك صاير كلبي نصين
ومثل فركةسنونك كلبي مفروك
من صورتك باكت عيني نظرات
تعال ولاتعلم عيوني عالبوك
يبو اخدود الضواهن يعمي العيون
اويلي ابحسرة اشفافك ماتت احلوك
خل مابين اشافك حلكي يحتار
يبوس الجوه خايف تزعل الفوك
تلوك الشامه علخد لمن تصير
بس علشامه خدك ياحلو ايلوك
بالك على الضوك اتبيع بوسات
لأن عالضوك تخلص شفتك ضوك
وتظل تمشي وراك الوادم اسروب
مثل حادي الظعن من يحدي بالنوك
ولأن بالسوك رايد تمشي وياي
لذلك منعو التجوال بلسوك
ثمر صدرك امبين شافته الناس
خيط زيج صدرك غطي العثوك
وحط حلكك ابحلكي وانفخ ارجوك
واذا سألوك كلهم شفته مخنوك
حتى اشرب انفاسك وسكر اسنين
وخمد نار كلبي العفته محروك
منقول للامانه
