الشاعر سعيد الاحمد وقصيدة بيضه وطفل

[بيَضهَ وطِفِلْ




موسَهلهَ تموتْ إعداكْ هيّــــــــهَ اتعيِشْ**ولاصَعبهَ تعيشْ تموتْ هيّهَ إعـــــــداكْ

بيضهَ بجَفْ طِفِلْ خايفْ عَليههَ اتميلْ**هِيجْ آنهَ حَسبتي اليومْ هيّهَ ويــّــــــــــاكْ

أوَل ماوعيت انتهَ العَربْ خانــــــــــوكْ**وآخرْ ماشفتْ رُمح الغَرُبْ بجـــــــــلاكْ

جَيشولَكْ مَآتمْ كًــــــــــــــــدْ حزِنْ بَغدادْ**بكثُرْ ماخَلو بفكرْ العراقي أســــــــــلاكْ

بكثرْ عاشورْ مايتركْ أَثَرْ بــــــــــالروحْ** بَِسْ مُو كَدْ مُصابْ حسينْ ذاكْ الجــاكْ

حِسبَو سِني شيعي أقطـــــــابْ ينَفرونْ**ماحِسبَو نَتيجهَ اثنينْ طِلعَو بــــــــــــاكْ

كِدامك عَدوَكْ لاتَدير الــــــــــــــــــــعينْ**لايِحسِبهه ذِلّهَ ويِِعتِقِدْ بَجـــــــــــــــــاكْ

دَورعَالنفطْ وَالكاكْ صــــــــــــــار سنينْ**بشريانْ العراقي يلكًهَ هوّه الكـــــــــاكْ

جايّبلََك حَضارهَ وبيهــــــهَ كاتِمْ صوتْ**يُقصِدْ يُستُرَكْ بَسْ أفتَهَمْ عَـــــــــــــرّاكْ

حَسبالهَ انتهَ فارِغْ مــــــــــا إلَكْ تاريِخْ**شَدْ عينَك كِتابهَ بلا نَظََر قَــــَـــــــــــرّاكْ

هَديه أمريكا جَتك زاحَتْ الفوكًـــــــــاكْ**شالَتْ هيّهَ كُلشي وباكًتْ إلــــــــــجَوّاكْ

يَامُحتَلْ عِراقي.لَمِلِمْ إنتــــــــــه وروح**مَــــــــــــلعونْ ألّي جابَكْ وِالعَلَّي وَلاّكْ

تِسعْ أسنيّنْ مِـَنك عِندي رُبـــــع إلحافْ**أَغَطيه للصَدِر يكشِفْ عَوِرتي إغطـّـاكْ

عِتبة بَيتيْ عِركَت مـــِـنْ دَخَلــت البيتْ**ماتنكًط خَجَلْ هُوّهَ الخَجَلْ بـَـــــــــــــدّاكْ

صِرِتْ نار وتِشِبْ مابينْ هــــــذا وذاكْ**بَس الحَمِد للهَ وللشَعَبْ طَفـّـــــــــــــــاكْ

مو جِسر الأََئِمّـــــــهَ المايِثِبتْ اخوانْ**إليِقرهَ بأَذآنكْ بــِـــــــــــــــــــالعَكس دَلاّكْ

بينهَ البِالنَجَفْ لاماأَضِنْ تِنســـــــــاهْ**وعِدنهَ بكَربَلا ومَوجُودْ مِنْ بَجّـــــــــــــاكْ

هَسهَ تريد احِبَكْ لاوَحَــــــــــــــكْ الله**اكًصْ جَفي إذا مَديتهَ مــــــــــــــــــالاواكْ

شنهو الجِبتهَ ليّهَ غيرْ بَسْ اثنيـّـــــنْ**هذا يعَزي هذا وذاك عَــــــــــــــــزّهَ بذاكْ

واحد ياوطَنْ مِنْ زاخو حَد الفــــــاوْ**وبجَف الشَهادهَ أبن الوَطَنْ حَنـــــــــــّــاكْ

وا شَعباه صِحِتْ يُوم إلّي مالْ البِيتْ**طِفِلْ يِرضَعْ بَعَدْ ماخَلَصْ اولَبـــّاكْ

بَعَدْ روحي حَمامهَ تحِنْ تريد إتعودْ**تحِن لعشوشههَ لو سِمعَت اِبطَرواكْ

بَعدني أطربْ وَحِن وَشتاكًْ لومَريتْ**صِرِت سَيّابْ ونشودةْ مُطرغَنّــــاكْ

أحِن للهور للبَردي لبيُوتْ الــــطينْ**وَتذَكَر رياضْ وغِيرَة الــــــــــمَلاّكْ

مثل واحِدْ يتيم ونَفسهَ ماتنطيــــــه**مــــــاعِنده وَطَنْ مَـــدْ أيدهَ يترجّاكْ

يمِدْ اجفوف عَينهَ وأيدهَ تنكًطْ مـايْ**جيَ لَنَك قّصيدهَ وبِالدَمِعْ قَِفــّــــــاكْ

بارِدْ ياوَطَنْ والشِفتــــــــــهَ بَس دُخان**يتحَوَل مُطَر مِنّ تِشتِعِل طَفــّـــــــــــــاكْ

أنهَ الطالِع لابويهَ وعَـــــل خَوالي بكََدْ**ماسطرَنْ جفوُفْ ابن العراقْ اُكََفــــــاكْ

بَس أرد أسأَلَك يَمريكي لَـحظهَ وروح**تُعرُف ياهو أبوك وياهو مِـــّن رَبـــــاكْ



الشاعِرْ
سَعيدْ أكَرَمْ الأَحمَدْ
2011[/color]

شكرا لابداعك المتميز والرائع

ننتظر المزيد من طيب الكلام

تحياتي