((( حب الرســـــــول)))
جيت أمد اجفوفي يم بابك دخيل **** اطلب الحاجه بادب وبمستحه
كبل جان ايتيم بأحضان الرســــــول **** وهسه ماكو بلكي ربي اتفرحه
بيوم مولد متصل جيل بجيــــــل **** وبين طه وجيل ماكو أي شارحه
اني ارجف من اسولف عالرسول **** وخدي من اكتب دموعي اتجرحه
هو اكبر من شخص يكتب عليه **** هو بس الله يكدر يشــــــــــــــرحه
هو حتى المدح يم اسم الرسول **** جاي يحتاج الرسول اليمدحـــــــه
جيب انسان الكدر يصعد براق **** ويوصل السابع سما ومازحزحـــه
جان يسهر ليله يدعي وماينــام **** والسياسي العدنه نايم للضحــــــه
واخذ عبره من محمد من نذير **** جان قائد عام مو عام انمحــــــــــــه
وباقي قائد بس يمر اسم الرسول **** اتصلي عالهادي الحناجر صادحـــــه
وهسه عدنه احنه مناصب باختلاف **** ناس تحمي ابعرضي ناس التذبحـــه
اخيول ابو القاسم جفوف اعله اليتيم **** وهنه بس ذني الخيول الجامحـــــه
جانت الغيره تدور عالشـــــــــــريف **** ولنهه باسمك ياغيور اموشحـــــــــه
واني من ابدي بصلاتي من الوضوء **** اتعوذ الشيطان واقره الفاتحــــــــــــه
لأن كل اعضاي مقتديـــــــــه وراه **** ابحب محمد كلبي راية املوحــــــــه
هو بلســـــــــــانه صلح يامـــا طغاة **** وهو حتى الصح يريده يصححـــــــه
جان دين الله في مكه خجــــــــــــــول **** ومالت الكفه ومحمد رجحـــــــــــــــه
اهواي عدنه احلام ياامة الشفيع **** وبس ربحنه بيوم جفه انصافحـــــــه
احنه حتى السانه ماصخ اكيـــــد **** وبالصلاة اعلل رسول انملحـــــــــه
**************************************************************************
يالله يلي كلت تالي العبـــــــــــــد ********************************* روحه لي
مشتاك ازور النبي هم تنحسب ********************************** روحه لي
يمنعني هو العذر ناخ اوكــــع ********************************** راحلــــي
بالدين واحد بدا وجان ابشبابه ********************************** فتــــــــــا
تفرقنه بعده شعب وهواي عدنه ********************************** فتــــــــن
افواه جانن خرس لفن عمايـــــم ********************************** فتـــــــن
كد مافركت الرحا ماظل بعـــــد ********************************* راحه لي
الشاعر : سعيد الاحمد
