حصريا وعلى منتديات مدينة المطر المساجله الشعريه بين الشاعر اشرف المختار ومحمد البغدادي

عاشوا متألقين

اهداء خاص

[Only registered and activated users can see links. ]

اخليكم ويه القصيدة
---------

اذا مقفول قلبك من زمان الفات
ترى المفتاح عدنه وباجر نفتحه

الليل شما يطول شما يخيم عليك
لابد تجي الساعه وينولد صبحه

لا تنظر عليهم ورد مو قداح
من ورد الجذب لا تنتظر نفحه

صح مجروح قلبك والجرح نيشان
ما ينسى الصار من المحب جرحه

بس حبي دوة وجرحك ورود يصير
لو شم حبي تبقى ورودك مفتحة

لا تعتب على الخله الدموع تسيل
وخله خدودك من الدمع منجرحه

صدك انسه كلشي وانسه ذاك الفات
واخذ عيوني يمك قلبك تفرحه

لتاني العوج يصلحلك الي صار
الاعوج طبعه اعوج يصعب تصلحة

والخده يتلكة دموعك من تطيح
هذا الحك نعم صك الثقة تمنحه

عمرك صح تطشر بين هذا وذاك
بس خيط وارد واجيك والضم السبحه

كلما ارد ارسمك ارتجف حيران
بس اوصل لعينك ترجف اللوحة

من اكتب شعر واتصورك موجود
اسمك من اكتبه تصفك الصفحة
------------
منــــــــــقول