قصيدة (ارسم ياوطن) للشاعر أشرف المختار
ارسم ياوطن ضحكة يتامه اصغار ........... لأن عدنه اليتامه وتختلف ع الناس
صح وخده زنجر من دمعه اسنين .......... بس ريحة جنان ابخده من ينبــاس
عاين ياوطن شوف الفقير يصيح ........... أنه ابن السواد ابن الذهب والماس
وأنه صيتي وصل لأخر حدود الكون......... ويمريكي أبد لتقيس ماتنقـــــــاس
شرفنه وباقي ساسه ابوكعة الحيطان .... وانتو اصلا شرفكم حايط ابلا ساس
ابكاعك ياوطن شجره ورضت افعال ........ مو حقي أنتفظ والعرك ها دسـاس
طاسك هالنطيته لجارك العطشان ......... واحنه ايتام عندك ماحظينه ابطاس
يالراسك مثل يافاس يكدر ليـــــك ......... نصين انشطر من طاح بيك الفـــاس
صح حسين راسه ع الرمح خلوه .......... بس تفسيره واضح يعني رفعة راس
أنه الميّت ولكن بالحرب ناطـــــور .......... من ريحة أبويه اداينت لنفـــــــــــــاس
شوط اول فرحتو الثاني لاتنسو ........... بعد راية محمد هيه رفعة كـــــــــاس
وأذا قصدك تقسم هاي أبد متصير ........ لأن نعمه الوطن والنعمه ماتنــــداس
ولأن عباس سنه وشيعه اليحبوه ......... خل نلغي الفتن وانجلب بعبــــــــاس
الشاعر أشرف المختار
