السلام عليكم جميعا
هديه متواضعه مني الى كل اعضاء منتدانا الغالي
دارميات العراق في عصرالاحتلال
من كثر ما مشتاك يمكن انجنيت@@اكل بصل مثروم حسبالي جكليت
الدهر صاير چاي والدنيا قوري @@ليش اليحب يا هواي ينضرب بوري
لمن اشوف هواي يخدر شعوري@@خدرت بالفانوس حسبالي قوري
#$#$#$#$#$#$#$#$#$#$#$#$#$#$#$#$#$#$$#$#$#
شوفو زماني شلون من ياذيني ياذي $$خلاني شجرة موز بين الشواذي
وين البخت يفلان وتكلي مبخوت$$صرت اشتغل دفان محد رضى يموت
زين البخت وياك واصل لهل حد$$احفر كبر للمات كالو عدل رد
#@#@#@#@#@#@#@##@#@#@#@
فيتر صرت يا ناس والعيشه كشره$@وين اليضب الروح بسبانه عشرة
دورلي فيتر زين من روحي مليت@$لا بدي لا رنكات بس شاصي ضليت
من كثر ما مشتاك خبلت نفسي$#@اشرب نفط بالكوب حسبالي ببسي
من كثر ما مشتاك صرت اني مخبول.... اتفرج الاخبار حسبالي كعبول
من كثر مامشتاق وحبك بنفسي ... وكفت الامريكان حسبالي تكسي
$#@$#@$#@$#@$#@$#@$#@$#@$#@$#@$
احول حبيب الروح اثول مطفي لاگاني عين بعين باس الي بصفي
اطبخ وافكر بيك يا حلو العيون بالمركة اخبط جاي حسبالي معجون
ليش الرساله وياي عندك خسارة ماظن خمس سنتات يبنن عمارة
كون انگلب سنتات وابقى برصيدك من تغازل الحلوات اطفر واصيدك
كون الجمال البيك يندار بيه كلما احن واشتاك اصفن عليه
طلعت تطش الزبل و لمعن تراجيهه.... و لوما اخوهه الخبل لاعبر و احاجيهه
من كثر ما مشتاك ينرادلي جية وكفت لامريكان حسبالي كية
طلقات اسوي الروح و لفراكك احزن ...و كل ما تمر عالبال ارميلي مخزن
عود انة مثل الناس هم عندي بطة...راحت تغط بالماي والغطة غطة
فرفح جهازي عليك ثق هلهل الرام.. والشحن من دكيت يركص هجع كام
اريد احفر التبليط و ازرع بتيتة ليش اليحب حلوين ينهجم بيته
اليكولك اني انساك كله انت اعمه و انزله دك كلات وكسرله خشمه
هجم بيت العين هلكد وكيحه كلما يمر حليو تكلي صيحه
يكفي حبيب الروح يكفي بواري...أسست نص بغداد مي ومجاري
............ ..
تدري اشوكت هلروح من حبك اتوب ؟؟ من تسمع الشيطان غفروله لذنوب
............ ..
ما يهز گلبه الشوگ ! شوما يجيني ؟ ... يمكن طلع بذات لو گلبه صيني
.......... .. ...........
كتلك تفضل فوت كل قصدي للبيت شمالك دفرت الباب وبقلبي طبيت
............ ..
ترش الدرب تيزاب حافي أجيلك
لك شــلي بالرجلين الما تجيلك
ترش الدرب تيزاب لو تزرع ألغام
لا خلي اللحم طشار وأوصلـّك عظام
شكرا وآسف على الاطاله
تقبلو تحيات اخوكم ابراهيم السامرائي
