ناديتك حبيبي
حتى ماتفز من همسة الصوت ** ناديتك حبيبي برمش العيون
وحتى شفايفك ماتذبل بســـــــاع ** جبت الماي حارس يمك يكون
من تراب جدمــــك اخذ امـــراد ** وحرز بيدي اظمه من اليحسدون
رسم عينك حبيبي حيّر النـــاس ** وحيّر كل عقل ناسه يصفنون
جمالك لو تطشه بيوم ع الناس ** مـايخلص ابد واشما يلمــــــون
من كحلة اعيونك بايك الليل ** وباكو همســــــــتك كل اليسهرون
يبو حضن الدفو ذوبلي هالروح ** يديباج النقاوه وشـــــرف مصيون
لامسني بترافة ايدك وشـــــــوف ** تلكه بحضن جفك كلبي مدفـون
شعرك هذا فله يغازل الريـــــــح ** وخل يركص ترافه جن كلبـــدون
يافردوس حســــــني وجنة الروح ** ياكنز الحســـن وبكلبي مكــنون
يارصعة وجن وخــــدود البريسم ** ياشـــوك الجنيته بروحي مركون
تنهار المشـــــاعر من تمر بيــــك ** وتطلب هيه فزعـات اليعينون
الشاعر: بشير المبارك :2012
