اخذني وياك

جملني بعد كطره 00 وخذني وياك



هناك 00 الفيض كلبك 00



حتى روحي تنام



عصفورة جرف 00 بلل جنحها الكيض



اخذني وياك



امشي ابغير واهس 00



والطواري كصار



وعيوني غرب 00 وجفوف اديه اوداع



واسمي 00 ابغير معنى 00



وميل كحلك غاب



وتنشدني اعله كلبي !



كلبي حب وذاب



ياكلبي حلك تنور 00 لو سرداب ؟



صوغني 00 ولو من ليلكم نجمه 00



تبات وياي



ومن تشبع سهر 00



ويجيسها الوهواس



اطفيها ابصبح 00



والغبشه رشكه ماي



واشعلني ولع 00



يدوي العطش بالعود



حتى انزع جلد روحي 00



وارد لصباي



أملني الفرح بسمك 00 ورد عالباب



فاحت ريحته 00 ولنك بعد ماجاي



بعد ماجاي !!



من ياصوت أصيحك ؟



والصدى ايجاريك



واكلك : مكدرت 00 يالتكدر ابلياي






قصيده للشاعر عريان السيد خلف ::: ااخذني وياك

مشكور على القصيده

مشكور على ما قدمت ودوووم التمييز,,,,
تحياتي لك اخوي جبل السامرائي

حيااااااااااااااااك يامبدع


تقبل مروري

حياك الله وصح السانك يامبدع تحياتي لك

مروركم اسعدني كثير