بقلم الشاعر سمير صبيح
*******************
احجي وياك وحدي و انت ما موجود
واسولفلك عليه وانت مو يمي
واصيح واشتكيلك واصرخ من الاه
ولا جني اشتكيلك واحرك بدمي
تلم بيه حطب لتكلي المن بيك
لان جاسك برد ما كاتلك لمي
ولا قلبك عليه وتحزن من ارتاح
وتغني من القلب من اغرك بهمي
فصمه انه وتطمني وبس اضوك الماي
اصعد عالتراب الكيف بطمي
واخضر يا خضار واعله فوك الكاع
وينذم اليذمني ويصغر بذمي
بس هيه المصيبه شوكت اكض الماي
وافك حلك القفص وايطيرن جلمي
وادلي اعله الطعني وقاصة الاسرار
اكسرها واطش اعله الخلك همي
واحط حد للقلق والخوف والوهواس
واحاسبها الجفوف الكثرت غمي
قبل شفت الطعني وكلت لا مو هاذ
وشفت دمي اعله سيفه وما كلت دمي
وهسه احجي واكول ودفله اصير وياك
بلملاكه حلو وما ينحمل شمي
