إذا توصل وردتـّي تطفه بيه إلنار***أوگلت ياربي توصل بيد صاحبهه
ويه إلطــير أبعث وردتي مرسال***تذوب أويه إلهوى نسـمه مطايـبهه
وأگول إسـنين ولـّت وإــلبعد طال***جزه وكـت إلعـتب ماريد أعاتـبهه
نـعم قـيـس إلمـلـّوح بـيهه موجـود***ولـيـله إلـعامـريه فـي مظـاربـهـه
ولاكـن للصـبر يرويحـتي إحـدود***تطـّفي إلناربـيه وتـرجع إتـشـبهـه
شوف إمحبتك شجره إكبرت بالروح***شاخت وإنحنت ياهو إليشد إبهه
خايـف لايــشـد إلـريح فــديــوم ***ويكـسرلي إلـغـصـن لـمّن يجاذبهـه
لوأبحـّر بوصفـچ أذبـح إلچلمات***ياروحي ومـناهـه وكـل مطالـبـهـه
لوحه من إلجمال بريشه إلرحمان***تميل أويه إلهوه إلداعب گصايبهه
خايف من گمرنه يشوفهه ويغتاض***يصيرإهلال حتى يبوگ حاجبهه
شراكه حـسن بـين إلإنس وإلـجان***وترافـه چـفهـه تـخـجل لوتلاعبهه
وأنطر للگمر سهران طول إلـلـيل***وآني أدري إلـگمـرنايـم إبـجانبهه
ياطـير إنـته ويـنك تعـبتـني أوياك***توديـني إلـضنون وأرد جايـبـهــه
ماتوصل وردتي إنباعت إلأوطان***لاجـوب إلأرض رد من معاربهه
تعال ورد وردتي تعـبت إلجنحان***ورجعلي إلـرساله إلآني كاتـبـهــه
إذا توصل وردتي وتطفه بيه إلنار***وگلت ياربي توصل بيد صاحبهه
كتبت بتاريخ30/12/2010
الشاعر يوسف السلمان
