للقصيده عيون
***********************
للقصيده اعيون متيه طريق **** جيه كلبه ايشوف من تحجيله
تنحني للريح بس بلا خضوع **** راسهه النجمه ابعلو تربيله
بيهه أحزان وأماني وذكريات**** الطيبه بيهه وصوتهه ترتيله
علمتنه امن المهد نرضع ايباء **** ومانعين الجرح ونتجيله
سافرت والمرسه جان بلايه كاع **** حطت ابفكار عمري وجيله
ايه ياجف الوداع بلا وداع **** والأثر بالريح من توميلــه
وشكثر ضليت انطرهه تعود**** جروح ماتت من بعد تســبيله
ومادريت العمر ظل ينطر سراب **** وياسراب اجدامنه التمشيله
جفه نغفل نوكف ابأرض الهوان**** توكف ارماح وتهده الحيله
اهي ميته وبقت حارس عالضمير**** ومن ينام اشكدر قصص تحجيله
جادت ابأخر نفس خلتلي يوم **** وكالت العازات زمانك شيلـه
يوم انتي لوليتي جثير **** وبقه عايـش يومج انلوليلـــــه
((((الشاعر يوسف السلمان )))
الموقع
