حصريا وعلى منتديات مدينة المطر قصيدة الشاعر يوسف السلمان بعنوان( ســـنينك الحلوات)

قصيدتي بعنوان(((ســــنينك الحلوات)))




لاتنحر بديك اسنينك الحلوات **** وأعله مذبح شماته اتكطع الرفكه

ياطيب المعشر وأبقه اسولف بيك****حد قطع النفس والموت والشهكـه

وأصبر جرحي حتى ايموت وأرتاح ****غصن جرحك يطك اتخضر الوركـــه

سوالف اليكلك ياحبيبي انسيت ****اذا انسه المكان اذكر الملكــه

مااكدر اشيلك من سواجي الروح****ابشرياني مشيت او الك بيه دكـه

بس غدر الزمان وقسوة السجان**** طبك بيبان وصلي وقفل الســـركه

كل هذا واجيك ابسالفة مجنون**** اصل للباب وادري الباب منطبكــه

وأحلم بالوصل جنك بعيد وجاي**** وافتحلك احضاني وكلشي ماالكـــه

من دنكت راسك خفت سهم الغير **** واني اللي جنت لســهامك الدركــه

جنت اتبخت ابدربك ارش الماي ****وك ماي البخت ماينحســب زلكـــه

وياماي البخت ضاع البخت وياك**** ضيعته وضعت وانفاسي مختنكــــه

احلامي تبدت ماي فوك ارمال **** متلم التبــده اجفــوف متوثكـــه

ومترجع الميت صرخة المشتاك**** ولاحركة اوداع الوعــة الشــبكــه

واني ادري اليحب يبحر بلايه اشراع****وروحه امن الترافه ابخيط متعلكه

لاتامن بحر مات ابسكونه الروج**** وانته اعله السواحل تغرك ابرشكـه

وك خلك الفضي بات ابصدر عصفور**** وصدرك بالفضاوه الثوبك ايشكـه

تعال وشوكي شوك النخل يتلكاك **** يجود ابكل حلاوته ويكرم ابعثكـه


الشــــــاعر يوسف السلمان

الله الله عليك وعالكلمات الرائعه
عاشت ايدك عالاحساس الراقي والمميز
دمت لنا اخي العزيز

تسلم ع ابداعك الراقي بأنتظار جديدك تقبل مروري

عاشت ايدك ع الكلمات الرائعه
دوم التمييز والارتقاء
تقبل مروري

*,’~
يآله آلروووعه..,
جميل مآقدمته لنآ.‘
جميل مآآطريتنآ به من كلمآت تعبر عن آلمـ ع ـآني,
عن آلآحسآس وجميل له كل آلآحسآس’
كلمـآت رآئعه..’
دمت مبدع لنآ.~
ولك كل آلتقدير
,*.~
مرت من هنآ. بنت ابوها.}

صح السانك ياأبوأنس
على الكلمات الجميله والمعبره
نتمنه نسمع المزيد من هذه الكلمات الحلوه
لاتبخل علينه:مشكور وأدامك ألله